Cercador de musèus

Museu Comarcal de l’Urgell-Tàrrega

Es sales nòbles

<p>Dormit&ograve;ri de Cal Perell&oacute;.</p>

Dormitòri de Cal Perelló.

Es Sales Nòbles de Cal Perelló formen part dera grana casa urbana creada per Francesc de Perelló en Tàrrega as darreries deth sègle xvii. Francesc de Perelló (1640-1703) neishec ena Ametlla de Segarra laguens deth marc d’ua família de propietaris ruraus benestants que tanben se dediquèren as negòcis. Personatge controvertit e polemic, ère un ciutadan onrat damb estreti ligams damb era noblesa catalana. Er an 1676 se maridèc damb Raimunda Roger de Llúria e de Çaportella, hilha de dues importantes famílies nòbles dera Segarra. Segontes semble, Raimunda, entà poder-se maridar, gessec de novícia deth monastèri de Vallbona. Un còp maridat, es negòcis e activitats de Francesc de Perelló, que ja auie esdevengut cavalièr, se desenvolopèren cada cop mès en Tàrrega, enquia que decidic instal·lar-se-i damb era sua hemna. Er an 1681 comprèc finques e tres cases deth carrèr Major, que transformèc en ua grana casa, era estructura dera quau s’a mantengut enquiara actualitat.

As darreries deth sègle xviii un aute Perelló s’emparentèc damb ua membre dera família Graner e emberiren aguesta mansion damb pintures e ornaments que contribuïren encara mès a dar ara casa es aires de petit palai qu’ara podem contemplar. Es Sales Nòbles mos transpòrten damb es sues pintures, ornaments e mobiliari luxós d’epòca, ara Tàrrega des sègles xviii i xix.

 

OBJÈCTES

<p>Llit de caoba amb una cronologia de segle XIX (1815-1830).</p>
Llit de caoba
Llit de caoba
scroll to top icon