Era naua exposicion de referéncia se construirà a compdar de tres protagonistes: era ciutat, er individu e era alteritat, que mos anaràn explicant era istòria de Cervèra e dera Segarra.
Se tractaràn es transformacions fisiques e identitàries ath long dera istòria: des des procèssi d’emmuralhament, es mercats e era religiositat d’epòca medievau ena grana transformacion dera Cervèra modèrna damb era construccion dera universitat, eth sòn edifici emblèma. De hèt, era data de 1714 pren ua significacion especiau, ja que devierà eth gran punt de partida qu’a de perméter enténer es relacions dera vila damb eth sòn pròpi territòri, eth sòn creishement economic, urbanistic, mès tanben e sustot era construccion d’ua identitat.
Se parlarà dera formacion dera memòria a trauès dera uelhada des viatgèrs e des cronistes dera ciutat, e dera creacion des simbèus, accions e hèstes locaus.
Tanben se parlarà, sense abandonar aguest contèxte, dera convivéncia e eth conflicte ath long dera istòria: d’ua societat rurau en constant dialòg damb es diferentes comunitats nauvengudes. Er important call judiu medievau, es francesi e era comunitat universitària d’epòca modèrna...
Un discors qu’arrinque damb era exposicion dera moneda Sikarra: er exemplar mès antic a on apareish eth toponim dera Segarra e, donc, eth prumèr objècte fisic que permet apropar-mos a un territòri ―cambiant e de limits imprecisi― e a ua primerenca consciéncia de pertànher a un territòri concrèt.