Er objectiu deth Musèu d’Istòria de Barcelona (MUHBA) ei conservar eth ric patrimòni istoric de Barcelona, documentar-lo e estudiar-lo damb era maxima rigor, e difoner-lo entre es sòns visitants. Aguest prètzhèt de difusion se concrète mejançant era combinacion de diuèrsi formats e prepauses: era organizacion d’exposicions permanentes e temporaus, charrades e debats, jornades, seminaris, talhèrs e casaus infantils; era edicion de libres, guides urbanes e huelhetons; eth dessenh d’itineraris urbans e visites comentades, e era elaboracion de prepauses de senhalizacion, web e musèu virtuau. Tot açò configure ua variada aufèrta d’activitats adreçades a toti es publics. Ei atau coma eth MUHBA vò bastir un nau guardar dera Barcelona de principis deth sègle XXI.
Eth Musèu d’Istòria de Barcelona (MUHBA) vò èster un nau concèpte de musèu, distribuït per tota era ciutat e damb nombroses sedences que permeten explicar era istòria de Barcelona enes entorns urbans a on s’a desvolopat: MUHBA Temple d’August, MUHBA Plaça deth Rei, Era Pòrta de Mar, MUHBA Via Sepulcrau, MUHBA Domus Avinyó, MUHBA Domus de Sant Honorat, MUHBA El Call, MUHBA Santa Caterina, MUHBA Villa Joana, MUHBA Park Güell-Casa deth Guarda, MUHBA en Fabra i Coats, MUHBA Oliva Artés, MUHBA Casa dera Aigua, MUHBA Refugi 307 e MUHBA Turó de la Rovira. Aguesti espacis apiegen e articulen eth relat istoric e patrimoniau dera ciutat, que tanben a de recuélher d’auti patrimònis, coma er alimentari o eth musicau, e çò que signifiquen laguens dera istòria de Barcelona. Per aguest motiu, eth Musèu ei tanben un centre de recèrca en istòria e patrimòni, damb cicles regulars de conferéncies, seminaris, jornades e diuèrsi pòstgrads.
Entrada combinada entà toti es centres deth MUHBA
Entrada normau: 5 €
Grops superiors a 10 persones: 5 €
Entrada gratuïta: mendres de 16 ans, carta ròsa gratuïta, membres der ICOM, Barcelona Card e Associacions Museulògs de Catalonha, guides toristics, jornalistes acreditadi, passe metropolitan d’acompanhant d’ua persona damb empeditat, professors d’ensenhament reglat, promocion ‘Gaudir +’, prumèr dimenge de mes tot eth dia e era rèsta de dimenges a compdar des 15:00 h.
Dilluns tancat
De dimarts a dissabte de 10 a 19 h
Diumenge de 10 a 20 h
Dies de tancament anual: 1 de gener, 1 de maig, 24 juny i 25 de desembre
Metro: Jaume I (L4)
Bus: 120, V17 i 45
Barcelona Bus Turístic: ruta sud (vermella)
Bicing: Avinguda de la Catedral, 6 (bicing) i Plaça de l'Àngel (ancoratges)