Cercaire de musèus e localitats

Institut Catalan de Paleontologia Miquel Crusafont

Catacion, en qué se localizen jadiments e s’apliquen diferentes tecniques d’extraccion des fossils

Representacion d’ua catacion paleontologica.

Representacion d’ua catacion paleontologica.

En aguest encastre s’explique coma se localizen es jadiments e se n’extrèn es fossils.

Entà localizar un jadiment cau hèr prospeccion sus terren, ei a díder inspeccionar ua zòna entà guardar se i a sediments damb rèstes fossils. Era prospeccion ei eth pas prealable ara catacion, e tostemp s’a de sollicitar autorizacion ara Direccion Generau de Patrimòni Culturau, pr’amor que toti es jadiments e es fossils son protegidi.

Quan se comence a catar, prumèr s’a de netejar era zòna e eliminar-ne es sediments esterils. Seguidament, se quadrilhe eth terren entà poder préner es coordenades dera situacion des pèces. Alavetz, ja comence pròpiament era catacion, damb es utisi avienti (pincèus, raspaders, martèths, bistorins, etc.). Quan se tròbe un fossil, prumèr s’a de assolidar e dempús extrèir-lo. S’eth fossil ei petit e resistent, eth sediment s’estròpe damb papèr d’alumini; s’ei gran e fragil, se hè ua “momia”, que vò díder que s’estròpe damb carton e poliuretan o gèish.

Fin finau, se registre era pèça damb un còdi e s’anòte tota era informacion en quadèrn de camp, airina basica des paleontològs. En aguest quadèrn se hè eth prumèr registre deth fossil: s’i anòte eth nòm deth jadiment e era data, e se hè ua descripcion dera pèça.

scroll to top icon