Er an 1974, Miró recep era encomana d’ua òbra monumentau entà La Défense, en París. Era pèça, quate còps mès gran qu’era maqueta, se place en ua plaça d’usatge exclusiu entàs pedons e cerque establir un dialòg damb es persones, mès tanben hè de mediadora entre era gent e es edificis gigants de formes rèctes que l’entornegen.
Miró, tostemp daurit a naues possibilitats expressives, trabalhe damb era resina de poliestèr, que li permet er usatge de colors brilhantes e estables.
Era òbra represente dues figures separades (un òme e ua hemna). Era figura masculina ei verticau damb connotacions falliques e eth cap se poderie associar ath solei, deth temps qu’era hemna includís era forma dera lua creishenta. Eth conjunt harie allusion atau ara fertilitat.