Penjat en costat dera hièstra vedem eth vestit de bateg, que, abans, passaue de generacion en generacion. Auie ua nauta valor simbolica, pr'amor que significaue era continuitat dera casa: com mès gent dera madeisha familha se batiaue damb eth madeish vestit, mès anciana ère era casa e mai prestigi auie.
Era mair, dempús d'amainar, non podie gésser de casa. Se consideraue «impura» enquia qu'assistie ena glèisa a un rituau especiau de purificacion, que se hège dempús dera quarantea. Per aquera rason, soent non podie a anar tath bateg, que se celebraue tanlèu coma ère possible.