Deuant dera entrada vedem es graèrs. Aquiu s’i sauvaue eth gran, normauments de tres tipe: uerdi, segau e forment. Quan portauen es sacs, se uedauen ath laguens des calaishes e se metien taules entà pujar era nautada deth calaish. Quan ja non s'arribaue a vessar eth sac, se metien es darrères taules enquiath tet e s'acabaue d'aumplir dempús der estatge de naut a trauès d'uns horats. Quan calie, eth gran s'extrège pes portetes que i a ena part inferiora.