Es cremalhs son es utisi principaus deth larèr o codina, e servissen a sostier penjadi es caudèrs e es oles apròp deth huec. Trabalhadi e hargadi soent pes haures deth país (fòrça datadi entre es sègles XVIII e XIX), acaben tanben en tot vier elements decoratius, pr'amor qu'incorpòren nombrosi simbèus, figures allegoriques e geometriques. Es cremalhs èren tanben un element simbolic que mercaue er estatus sociau dera casa e soent se restacaue ara sua poténcia economica.