Cercaire de musèus e localitats

Ecomuseu de les valls d'Àneu

Era sala

Eth mobiliari e es pèces que se mostrauen ena sala indicauen er estatus sociau dera família.

Eth mobiliari e es pèces que se mostrauen ena sala indicauen er estatus sociau dera família.

Era sala o taulat actuaue coma espaci centrau e distribuïdor deth rèste d’abitacions. Ei era estança mès publica, a on es famílies recebien es visites e mostrauen çò de melhor qu’auien; atau donc, laguens dera sala trobam mobiliari e bens mòbles diuèrsi qu’expressauen er estatus economic dera família: caishes de nòvia, armaris, calaishères, vaishèra fina, relòtges... e tot un seguit d’elements que proviegen de per tot (Andalusia, França...) e que non dèishen d’èster ua pròva clara qu’aquera gent ère fòrça mès connectada damb er exterior de çò que se pòt pensar, trincant atau era idea d’isolament pirenenc.

De hèt, deth minjador sonque se’n servien enes hèstes e quan i auie convidats, ja que normaument era família dinaue, sopaue e hège vida ena codina.

Aguesta sala tanben hège de distribuïdor des abitacions que la entoren. Tant eth solèr com es parets qu’organizen er espaci son de husta, e açò respon a diuèrses rasons: era husta ten mès era calor, ei un materiau que ven d’apròp e economic e ath delà implique mens pes tara estructura e es cabirons que tien era casa. Tot amassa, un bon exemple de sostenibilitat e adaptacion ecologica.

AUDIOGUIA

03. Eth minjador

Escolta l'audioguia d'aquest museu

Tots els àudios disponibles

OBJÈCTES

<p>Un rel&ograve;tge Morez non solaments indicaue era ora, m&egrave;s tanben eth niv&egrave;u economic familhau. Ecomuseu de les valls d&#39;&Agrave;neu.</p>
Relòtge
Relòtge
<p>Sop&egrave;ra de Gerri de la Sal, testim&ograve;ni dera activitat artesanau desvolopada enquiara mitat deth s&egrave;gle XX. Ecomuseu de les valls d&#39;&Agrave;neu.</p>
Sopèra de Gerri de la Sal
Sopèra de Gerri de la Sal
scroll to top icon