Eth balhon de còth ère ua airina qu'utilizauen es hemnes. Damb eth portauen es ferrats entath provesiment d’aigua. Es viatges tara hònt o tath com èren un des trabalhs fòrti e durs que hègen tant laguens com dehòra de casa. Eres que s’aucupauen de tot eth trabalh domestic: suenhar era familha, es uarts, eth bestiau petit... Quan es òmes trabalhauen dehòra l'ac portauen eth minjar e profitauen entà ajudar enes sòns trabalhs. Era realitat ei qu'es hemnes sabien hèr fòrça trabalhs des òmes, mès non ath revèrs.