Cercaire de musèus e localitats

Ecomuseu de les valls d'Àneu

Eth palhèr

Eth palhèr, ena tardor, ère plen d’èrba e palha enquia naut de tot.

Eth palhèr, ena tardor, ère plen d’èrba e palha enquia naut de tot.

Adossada ara abitança, i a ua bastissa qu'ère bòrda e palhèr ar encòp. S’i accedie de laguens dera casa pera madeisha pòrta qu'ara. Eth plan de baish ère era bòrda, e er espaci a on ètz ara, eth prumèr estatge, eth palhèr. Ena fin dera tardor, ère plen enquia naut de tot d’èrba e de palha shuta, eth minjar entath bestiau pendent er iuèrn. Es hustes deth solèr non arribauen as parets, e per aqueri horats, nomentadi trapes, lo hègen a baishar as minjadores, qu'èren dejós, ena bòrda.

Ua pòrta grana da a l’exteriora. Per dehòra i a un puiador, ua rampa de pèira entà accedir-i deth carrèr. Eth puiador e era pòrta permetien eth pas d’un animau cargat d’èrba, entà descargar-la dirèctaments laguens eth palhèr. Tanben se podie baishar ara bòrda per un escalèr.

Damb aguesta distribucion de passi e dubertures, se podie trabalhar damb eth bestiau sense auer de gésser ar exterior.

Maugrat qu'ua grana part des cabirons ei originau, aguest espaci lo calec restaurar fòrça. En hè'c, s'adaptèc era sala entà que s’i podessen hèr fòrça activitats de tota sòrta: exposicions, corsi, charrades, eca.

AUDIOGUIA

07. Eth palhèr

Escolta l'audioguia d'aquest museu

Tots els àudios disponibles
scroll to top icon