Er Ecomuseu de les valls d'Àneu se dauric ath public eth mes de junh de 1994. Aué ei ua entitat viua que, a partir dera recèrca, era conservacion, era difusion e era restitucion deth patrimòni integrau, a coma objectiu participar en desvolopament economic e sociau des vals d'Àneu e dera rèsta deth Pallars.
Er Ecomuseu permet conéisher milhor era realitat naturau e culturau deth territòri aneuenc e es transformacions que s’i an anat succedint enes darrères decades. Da ath public visitant ua complèta informacion sus eth passat e eth present dera zòna e ath viatge propície era reflexion sus es possibilitats de futur. A diferéncia des musèus tradicionaus, er Ecomuseu non ei embarrat en un edifici, senon que s'escampe territòri enlà entà explicar era vida des vals que lo conformen. Se vertèbre, donc, a partir de centres patrimoniaus repartits pes pòbles d'Àneu.
Tarifa visita guidada individuau: 4,00 €.
Tarifa redusida: ICOM; ACM; Carnet Jove; Club d’Amics de Lleida
Tarifa de grop: 3,00 € per persona, a partir de dètz persones
Tarifa gratuïta: menors de 9 ans
Deth 15 junhsèga ath 31 d'agost
Orari visites: de deluns a diuendres, de 10 a 14 e de 17 a 20 ores; dissabte, d'11 a 14 e de 17 a 20 ores; dimenge, de 11 a 14 ores.
Dies de barrament: 1, 6 e 22 de gèr; dimars de Carnaval; deluns de Pasca; 1 de noveme; 25 e 26 de deseme.
Aguesti oraris pòden variar.
Se recomane que consultatz era web www.ecomuseu.com.