Ramon Martí i Alsina (Barcelona, 1826-1894) executèc aguesta òbra de granes dimensions entara Exposicion de Barcelona deth 1872, amassa damb ua auta titolada Un cornèr de Montjuïc.
Exprimic enes sues òbres era realitat costumista sense idealizacions o embelinaments innecessaris.
Pintada damb tecnica escapolada, concilie modernitat e un caractèr amable entath public, ath madeish temps que jògue damb un aire vibrant, dinamic, qu’auie de sintonizar per fòrça damb era personalitat romantica e positivista deth colleccionaire. Pendent ans, aguesta òbra decorava eth salon dera casa de Santa Teresa, bastiment annèx ad aguest musèu e residéncia de Víctor Balaguer.