Representacion deth diu des mòrti, Osiris. Momiforme, a ua colomna de ieroglifics damb un tèxte dedicat a Osiris Khentimentiu, senhor d’Abidòs.
Semble qu’era figura deuie hèr part en origina d’un grop que representaue era divinitat funerària Ptah-Sokaris-Osiris, en quau i auie ua cavitat entre era figura d’Osiris e era d’un haucon —que representaue Ptah-Sokaris— a on s’incorporaue un ròtleu de papiri damb tèxtes extrèti deth libre des mòrti.
Es representacions d’aguesta divinitat, caracteristica dera Baisha Epòca, èren regularament plaçades enes tombes coma proteccion des defunts.