El Greco (Càndia, Creta, 1541 - Toledo, 1614) ei ua figura principau dera Reneishença espanhòla tardiva. D’origina cretenca, se formèc a trauès des mèstres venecians e romans deth sègle XVI, coma Tician o Correggio.
Era tematica religiosa e era scèna dera Sacrada Familha siguec un tèma abituau ena sua produccion en cambiament deth 1600. A un estil mercat per un fòrt expressionisme, er usatge de canons alongadi e colors pòc reaus, mèslèu onirics.
Aguesta singularitat, conseqüéncia dera union dera tradicion occidentau damb era orientau, desvelhèc sègles dempús er interès d’artistes coma Santiago Rusiñol e es suberrealistes.