Cercaire de musèus e localitats

Bibliotèca-Musèu Víctor Balaguer

Temps de modernisme

Sala qu’acuelh es òbres deth periòde modernista.

Sala qu’acuelh es òbres deth periòde modernista.

Eth movement artistic deth modernisme hè irrupcion en Catalonha ath torn deth 1892 damb es prumères exposicions d’artistes qu’auien estat en París. Es sues teles contrastauen damb era pintura decorativista e anecdotica que se produsie alavetz en Barcelona. Maugrat qu’eth realisme convencionau non deishèc jamès d’existir, pendent ans conviuec pleament damb es novetats importades de França.

Es cabecièrs dera pintura renovadora en Catalonha sigueren Ramon Casas e Santiago Rusiñol, que damb es sues scènes parisenques, hètes ja jos er aflat der impressionisme, merquèren er art catalan deth moment. Atau, era gahada der instant fugaç e quasi fotografic, era lutz oscillanta, era recreacion dera atmosfèra damb es tòns grisi e bluosi, e era libertat dera pincelada ne seràn es trèits definidors. Eth tèma deth tablèu, que ja non ei costumista e afable, podie èster quinsevolh endret der entorn urban, en qué destacauen imatges de bordèls, banlègues, er esclatament dera vida nocturna des cabarets...

Dus des nuclèus efervescenti en aguest periòde serien era vila de Sitges, damb es hèstes modernistes propiciades per Rusiñol en Cau Ferrat, e sustot era celèbra cerveseria Els Quatre Gats, plaçada en embaish d’ua casa de Puig i Cadafalch, en carrèr de Montsió de Barcelona.

OBJÈCTES

<p><em>Montmartre</em>, Ramon Casas, 1890-1891. &Ograve;li sus tela, 64&nbsp;&times;&nbsp;45&nbsp;cm. Bibliot&egrave;ca-Mus&egrave;u V&iacute;ctor Balaguer.</p>
Montmartre
Montmartre
<p><em>Retrat de mainada</em>, Joan Brull, s. d. &Ograve;li sus tela, 41,2&nbsp;&times;&nbsp;31,8&nbsp;cm. Bibliot&egrave;ca-Mus&egrave;u V&iacute;ctor Balaguer.</p>
Era mainada
Era mainada
scroll to top icon