Eth musèu consèrve colleccions d’art precolombin, orientau e filipin, pròpris dera filosofia romantica e era fascinacion des òmes deth sègle XIX per art e era cultura universau.
Colleccion precolombina
Era preséncia en Catalonha d’objèctes procedentes des cultures precolombines s’inicièc en sègle XIX, quan marinèrs e comerçants, coneishudi coma indianos, les portèren en tornar des sòns viatges. I son representades es zònes mès significatives de Mesoamerica, mès que mès deth planastèu naut de Mexic, d’America Centrala e d’America deth Sud, concrètament de Colómbia, Equator e e Peró.
Colleccion filipina
S’i mòstren objèctes de culte pròpris des credences religioses des pòbles igoròts des montanhes deth nòrd de Luçon, utisi relacionadi damb era vida quotidiana elaboradi damb cistalhatge e husta, coma tanben diuèrsi objèctes belics. Es pèces d’aguesta colleccion heren part dera Exposicion Generau de Filipines, que se debanèc en Madrid er an 1887, amiada a tèrme a instàncies de Víctor Balaguer.
Colleccion orientau
Aguesta colleccion amasse objèctes artistics dera China e eth Japon, principaument de tipe decoratiu e religiós. Entre es pèces chineses i a objèctes d’evòri provientes de Canton. En cas deth Japon, destaquen dues armadures de samorais.